#9
Өзгөн шаарынын борбордук турак жай кварталынын 74 батирлик үйүнүн түндүк жагында 1988-жылы көп кабаттуу үй куруу үчүн котлован казып жатканда 2-3 метр тереңдикте бийиктиги 2 метр, диаметри 1.5 метр келе турган 4 чопо идиш табылган. Котлованда жайгашкан чопо идиштердин көлөмүнүн чоңдугуна байланыштуу археологдор бул идиштерде кыш бышырылгандыгын, карапачылар устаканасы болгондугун божомолдоп жатат. Чопо идиштер табылган жерде курулуш токтотулуп, үй курулушу үчүн башка жер берилген.